ХАЛЫК АВЫЗ ИҖАТЫ: Яз турында сынамышлар

*** Каен суы күп акса, җәй яңгырлы булыр.

*** Суда бака кычкыра башлаганда сабанга чык.

*** Майда яңгыр шәп булса, арыш уңар.

*** Май ае салкын булса, игенгә туклык булыр, чебешкә юклык булыр.

*** Яңгыр атна кич башланса яки кояш баеганда башланса, бер атна буена явар.

*** Черкиләр яз көне иртә күренсә, һава җылыныр.

*** Карлыгач иртә килсә, көннәр тиз матурланыр.

*** Йолдызлар куе күренсә, аяз булыр.

*** Майның егерме берендә яңгыр булса, көз яңгырлы булыр.

Фото: pixabay.com

tazbash.ru сайтыннан алынды